Во центарот на градот веднаш до старата Охридска чаршија се наоѓа вилата Балабанс, која располага со ексклузивни апартмани и ирски паб во автентичен ирски стил. Во негова близина се старите Охридски дуќани, пошта, банка, суд, полиција, автобуска станица, туристички агенции и Охридското езеро. Се на дланка би можело да се каже, а сепак во пријатно опкружување на булевар од костени и липи, со можност за природно опуштање и уживање на еден од балконите од кои се протега прекрасен поглед на градот и езерото, како и пријатно освежување  во Ирскиот паб каде во летните топли денови температурата е таква да овозможува да се чувствувате  многу пријатно, или пак на терасата  пред апартманите во кругот на самиот бар.